ماهو الكنبيوتر والجرافيك؟؟؟؟؟!!!!!!!!!

بسم الله الرحمن الرحيم


عندنا كام سؤال في ناس كتير متعرفهومش او مفكرتش فيهم اساسا:

1- ايه هو الكمبيوتر جرافيك ؟

الكمبيوتر جرافيك عباره عن فرع من فروع علوم الكمبيوتر ""computer science وفيه بتم عملية انشاء صور تخيليه ""visual images عن طريق الكمبيوتر. والعمليه الاساسيه في الكمبيوتر جرافيك هى التحويل من الصيغه الرياضيه للصوره التخيليه "visual image" إلى مجموعه من العمليات في الـ hardware داخل الكمبيوتر لكى تنتج الصوره التخيليه "visual image" ونراها، هذه العمليه تسمى بالـ render.

2- ليه الكمبيوتر جرافيك مهم؟

الكمبيوتر جرافيك موجود في حياتنا كلها واهميته بتتمثل في استخدامته فمثلا التطبيقات الهندسيه دلوقتي بيقدروا يصمموا تصميمات جديده بكل سهوله ويسر عن طريق الكمبيوتر جرافيك ويقدروا كمان يعدلوا فيها اما زمان كان لازم يعملوا موديل للتصميم بتاعهم وشوفوا ده هيكلفهم قد ايه. أما بالنسبه للأطباء فدلوقتي يقدروا يعملوا 3D X-Ray لجسم الانسان والفضل يرجع للكمبيوتر جرافيك، والكمبيوتر جرافيك برضه موجود في الافلام فمثلا فيلم زى Lord of The Rings وشخصية جولم الشهيره اللي كلها معموله ومتحركه عن طريق الكمبيوتر جرافيك ومش هننسى الـ virtual reality اللي الكمبيوتر جرافيك عمل فيه طفره كبيره فمثلا انت ممكن تدخل غرفه جوه مبنى تحس انك في غابه وحواليك اشجار وعصافير وكل ده بسبب الكمبيوتر جرافيك.

3- امتى الكمبيوتر جرافيك ابتدى؟

سنة 1946 في جامعة ميتشجان ابتدوا مجموعة من الطلبة يعملوا شاشة توقف للكمبيوتر عباره عن نقط بيضا متحركه على خلفيه سوادء.

4- ايه انواع الكمبيوتر جرافيك؟

في عندنا نوعين من الكمبيوتر جرافيك:
1- الثنائية الأبعاد: ودي في منها صور ثابته او صور متحركه وبتنقسم لنوعين

أ‌- Raster Graphic أو Bitmap "الخريطه النقطيه": وواضح من اسمها انها بتعتمد على النقاط اللي هيا Pixels والـ Pixel عباره عن مربع صغير يحتوى على لون او عدة الوان لما نرصهم بجوار بعضهم البعض يكونوا صوره وجودة الصوره هنا بتتقاس عن عدد الـ Pixels الموجوده في البوصه والبرنامج الاشهر على مستوى العالم اللي بيتعامل مع النوعية دي هو Adobe Photoshop.

ب‌- Vector Graphic: وده بقى عباره عن اشكال متجهه ومصمته وبيستخدم دائما في صنع الشعارات واشهر البرامج اللي بتتعامل مع النوعيه دي Corel Draw.



2- الثلاثية الأبعاد: وبرضوا في منها الصور الثابته والصور المتحركه بس هنا بقى كلها Raster Graphic ومن أشهر البرامج المستخدمه في هذا النوع Alias|Wavefront Maya.